ELECTION

I ngaklah mahmah election lah hong tung petmah ding ahita mai a, lah i Zokhuak hoihloute i zat lailai ding chih tel zaw…

Awle, election bang ziak a om ahia chile a theilou omlou ding in a gin huai kei. Mipite’ sik leh tang a Ulian gam vaihawmte maituah ding telna chile a dik velthou…chi aw?

Pil huntawk omkhawm leh tengkhawm ki hingal a lah, election omzia theilou mah I bang nak sek ua a nuam khin kei. A pilsiam di tata a hai pen a pang nak hang a!

Hun paisa a election ana omte ziak in I gam I nam leh a sung a teng mipite’n hamphatna bang teng i dong ua chih ngaih tuah le, tawm lua in a gin huai kei. Ahizongin, khotang hamphat na om nak sang in mimal hamphatnaki lang tam zaw hiin a muhtheih maimah hi! Election gahsuah khat-le-nih enzualle, Streetlight (lah meivak hoih ngel zomah lai…..), Lampi black topping bawl a om, vom hoih zawzen (A hoih lai hia lawm? Se man zel maw...)

A siatna gen di chile lah om zel thou.Election gu tuailai bangzah in a thuakloh ua? Volunteer a pang, chihchu sum tam ngial hiven maw, kua utlou di la….sum muhte hoihna dia zat sawmlou-khamtheih, guihtheih leina dia zangbei hiau lel. Aw! Nang tuailai…Tun-le-Zua ki nepna bangchi nata mai a! Election hun in a ki langkei na a, kum1/2 nung in chu hanmual lam ah i pul zungzung mai ve uale, maimah!

A dang enle, election in khat leh khat kal a kitheih siam louh na a hon tun, tanau laina hi zenpi a ki lawi bang omthei zaih. Pawpi tuamtuam leh saptuam sung na san a ki deidanna tun nalai dep! Ki thupi mahmah zaw ahi ve. Ki phatna in zaw zang hial dah ni uh aw…

Candidate-te thugen hoih teng mawk lak lou, mimal hamphat na ding ngaih tuah a candidate-te ui hai bang a vial tai doidoi lou in, kua pen in gam leh nam ngaikhok a kua pen in a thilchiam semsuah ding hiam chih ngaihsun zaw le.

A bang abang hi leh, hun thak, khovel thak a ding ihi chih thei kawm in tutung election siangthoutak leh muamtak in ki khethei leh chih I thumna uh hileh maw.

Eh! ‘ELECTION’ leh ‘ZOMI NAMNI’ koi a thupi zaw di?

Zominalism-18022007