Thuhoih leh pilhuai tampi mahmah zak lah sim in a omta. Ningkei peuhmah lechin, nidang a na zakte sang mah a hoihzaw leh pilhuai zaw hong tam semsem ding hi.Gam leh Nam chih thumal I zang tam mahmah ta uh, a theilou om din a ginhuai nawn kei, ei nasan in thei I hihtak chia….Tua ka hon thu gelh ding pen ka hon sermon na lam hi lou in, leh, huchih ni khachih ni chih sawm ka hi kei a, huai nak sang a kei ngaihdan hon sung khiat sawm ka zaw lel hi.
Hun paisa kum 10/20 toh the din, tuhun a I khan thouhdan uh a thupi lotel, mit ngoihngoih a muh ding a tam. Ki pah huai petmah chi ou.Munteng ah I ki theh dalh ua, siamna pilna in a hon zeelsuakta. Kua hang a hibang teng I tung ua tung hihiam chih I mangngilh kha nak ua hi ven. A hoih lah tam, a sia lah tam, a zawng te’n lah ngawl sam hial lou, hing liai liai, a haute lah puak deuhdeuh zawmah lai. Ki thupi hina tel e! I hoihna te uh leh khan dan gengen theih a hi na a, hiah tan a hunsak phawt ni.
I gam I nam hoihzawkna dia kei ngaihsutna hon taklang zual leng:
Khatna ah: Ei mimal ah nga masa leng ka chi nuam hi. Bangziak in? Nanglou a zuuntu ding kua dang omlou a hih man in. Huai a Vaipa hiam, Talpak pan’ hon zuunsak thahah lou ding a hih mawk chiang a! Nang mah lah nang mah na ki iitna vel thak kuul hin ka thei hi. A hangbel, Nangmah a iitna a tam peuh leh, na gam na nam sung a ittna tam ding a, dam na leh suahtakna tunding hi. Nang na ki iitna zahzah a midang iit ding na hih maimah chiang a. Na chikei maw…..Tua ahihman in, ka gam ka nam in kei tektek hon deih hi chih theih chait sawm le.
Nihna ding in ah: Innkuan sung khat ki tuahna in gam leh nam damna ding leh hoihzawk sem na ding in mawhpuakna nei kha hiin ka mu hi.Na innkuan sung pen na hong khan letna mun leh thilteng na hon sinkhiak na mun a hih ahih toh kiton in innsung a na zilbangnag khotang a hon zangkhia na hi. Innsung a thudik thumaan na hon sin khaik leh milak a na om chiang a zong, tua thudik thumaan pansan a na kal suan ut ding na hi. Innsung a ki tuak loutak a kosa nahihleh, milak a na om chiang a zong na om lem theilou ding hi. Tua ahihman in, Nu-le-Pa te’n I Tapa I Tanu te khohei dan enkai thak in mawk pahtak maimah lou sam lou in, a lampi ding uh vel pih thak le. Ban ah, Tanu Tapa te’n zong, I Nu-le-Pa te mohna mawk toleem zawk sawm lou in, liahkhuh sawm zawle la, I gam I nam hong hoihzaw khamoh na…?
Thumna ding in ah: Pawlpi tuamtuam ki phutkhe te en nawn le, khotang ki vaipuak na ah a mau tellou in I gam I nam in bahloh khin ding hi. Mimal hih zohlouh leh innsung a ki vaipuak na hih zohlouh teng a mau khut a ki nga a hong hi nawn hi.Pawlpi khenkhat bang gim leh tawl poi salou a nasem pawl bang ki om hi. Pahtak huai mahmah. A hi zong in I tup-le-ngimte uh leh I suulnungte uh enkik thak le, I hihkhelhkhak leh I hihkhak louhte ua pan thathak la sawm in ma khuatthak le, I gam I nam in hoihlam hon nawt semsem ding in gin huai hi.
A lina ding in: I saptuam sung uh en nawn leuleu le, kristian lah pung deuhdeuh, saptuam ki dinkhia lah tam deuhdeuh, khantouhna khat zaw ahi ngut ve.A ki dem theipawl bang ki om zou hial ta. A hi zong in, I nasep ding pen a hi ding bang a semkha zou chiahlou I bang sim ua huai in I gam I nam hoihsak zou lou leng hi kha thei hi. Tua ziak in, I sep ding kha mangthangte leh khalam lah salam a bahte a poimoh uh bang a pathian kha tulh zaw leng , Pathian in zong hon ngeingah zaw kha mohlou ding hi.SAPTUAM I ki chihchih ziak ua le ma ki sawn theilou ihi zaw duam uah, huai sang in PATHIAN TATE kichi suk vek maile hoihzaw mai lou ding hia? Pathian in lah kuamah khentuam nei lou chih I thei ngal ua.
Ngana ding in: Heutu muanhuaite gennawn leuleu le, kuamah a siam leh hoihsa a piang I om keiuh. Huai ziak in heutu muanhuai I chih hang a a mau zong khialthei a hi uh chih phawk din a deih huai mahmah. Heutu I chih ziak a a mau deihdan a hon vaihawm khaum a hi kei ua, mipite deihdan bildoh kawm a kal hon suanpih uh hi zaw hi.Tuaban ah, heutu te’n na khat peuh a hihding chiang un mipite mai ah puang khia in ki kupna om nawn leuleu leh tua I dinmun sang mah ua ki lamzang zaw mohlou ding in ka um hi. A huchih louh chiang a mipi ten I kal suan di bang ua ki suan hoih theilou leh ki suan man lou in, nawngkai na hon tun man zel hi. Tua ahihman in, Heutu leh mipi kal ah ki thuzak na pibawl zawsem leng bang achi dia chih hon ngaihtuah sak hi.
A gukna ding in: Khat leh Khat ki kal a ki thei siam tuah na lah ki iitna tua I dinmun uh sang in hoihsak sem sawm le. A siam ten a siamloute makaih in, a haute’n a zawngte dopkang sawm leng la, Thil khat peuh hih chiang in hih khawm dialdial le, I gam I nam in khanlam hon manoh touhsem gin huai hi.A khen chia kilkhat sang zot zel in, a huchihlouh chia a niam na lam hong sang zotzel a a om chiang a ki tuak thei hina pi hong ki songsoloi nak khem hi. I gam I nam a hong hoihsem na ding in Khat leh khat kal ah 100% balancing bawlsawm le maw….
A sagihna ding in: Mipite lou in heutu kia in bang mah sem suah lou ding a hi chih phawk leng la I heutu te uh panpih leng I nam in ki thutuahna a hon gawm dia, hoihna leh lemna hon tun ding in ginhuai hi.
Gen leh gelhsiam kei mah leng, lungsim a tazou nawnlou a hih maimah chia hon gelhkhe mai tuh kihi ahi ve.Gelhsiam louhman a kuahiam ana ngaisiamlou a omleh Khat leh khat ki kal a ki theihsiam na point a hon na mark geih ding in I ki ngen a hon advice thei a om lehleng kipah huai ding hi. Chi le 1997 –98 buailai a Zomite Pathian koilam tungta ahimai a , hon taisanta zaw ahikei maw? Zomite Pathian sang in Mi tengteng Pathian bele Vaakna omzawlou ding a diam. Zomite’n Pathian ki nei tuam a diam ah. Khemkhem bang maw?
ZOMINALISM-20022007
No comments:
Post a Comment