KOI A HONG KIPAN NA HIA?

Delhi tual ah kumkhat bang ka om saamta hi. Hiai hun sung in a nuam a haksa bang ka na pal tei saam hi. Vaigam a om a, kei mah pau a ka houpih leh ka polhtheih diing U-le-nau, lawm-le-vual ka neih hi, hamphatna in ka ngai hi. Huaiban ah, vaite lawm a nei a amau toh ki thuahtuh khanna daan in ka ngai a, a zangsiam loute a din bel punna di om din ka ging kei.

Huchi kawmkal a ka na buai guukpih mahmah khat om a, huai ahihleh, vaite khong in,”koi a hong ki pan na hia?” a hon chih chiang un ka dawndiing daan ka thei zok kei hi. Bang a na ngaihdan…na tuahsa leng a hi ngei diing a, na buai leh na buai louh zaw ka thei kei. College I hong kai a khat in, “Lawm, koi a hong ki pan na hiam? Korea or Japan or China?” a hon chi ngal ua…….”hi, huai a hong ki pan ka hi.” Chih bang ut huai mai a ka. Eh! Ka ki Paite/Zomi sak luat leh. “hilou ahi, kei norteast India, Manipur a hong ki pan ka hi( chih louh theih louh)” ka chi hi. Indian chih tuh thei ta uh a baan bang..”Manipur koi a om,nepalite na hi hia!?” Manipur a theihlouh uh ngaihkhat, bang a chia nepali hon chi, Paite/Zomi kei vele kua ka hia chih hon thei lou maw chia maituam ut maw, chih suk uthuai mai aka(Innlam hi ngeingei leh zaw). Paite/Zomi ka hi chia gendi I chih chialah koi a pat di ahia chih buai zeel!

Eimah khomkhom a ki deihkhop, I Aiko haan khalkhal lai ua, kuaman hon na theipha lou uh chih I theih chia zaw khasiat huai maimah aka. Outer Manipur a teeng I hihleh I teenna gam in min neilou a maw? Lamka a teeng iki chi maithei uh, Lamka I chih in bangteng huam kha a hia chih le theih hak lai, Lamka chih zaak malak ah, Churachanpur chih ki leh zaak. Churachanpur a hihlouh thei zeenpi a bang achia khek sawmlou, khekzoh di hilou hinteh maw?

Abang abang hileh ei hihtheih bangmah omlou ahih chia, gelhtheih sung teng gelhgelh di mai. Hun hong ki heikual zel ding hiven, khat vei ni chaih zaw hong ki khek sam na lou di hia maw…..Lawm, mi’n, ‘koi a hong ki pan na hia?’ chia hon dot chiang un bang na chi a le? Khenchia zaw Lamka/Zogam a hong kipan ka hi chih ut huai sam eive maw.

ZOGAM I chih lah phuahtawm bang dek maimah ta aka le…………….!

ZOMINALISM170407